هي مو أغنية.. لاء أبدا.. هي صرخة وجع .. ووقت بدأت بتنفيذها..! ألف واحد وواحد حزرني إني كمل..! قالوا: مارح يفهموك .. رح يقولوا عنك متبري من عروبتك..! رح يفكروك عم تهاجم الزعماء العرب..! دير بالك يا مجنون.. إي صح انا مجنون .. بس مجنون بالحب.. عروبتي... إنسانيتي... وقبل كلشي حب وطني يلي لا ولم ولن استطيع اخرج منو او يخرج مني.. لك حاج أصحوا بقى...... نشأنا ونحن عم نغني: بلاد العرب أوطاني .. من الشام لبغدان ومن نجد الى يمن .. الى مصر فتطوان بس ياحيف شو صار فيكي يابلاد العرب.....!
انا حسن عبارة واليوم قررت قول كلمتي للتاريخ واحكي يلي بقلبي بعمل مبكي ومضحك على حالتنا نحن العرب... العمل انشغل مع فريق كبير بدأ من الشاعر الرائع مضر شغالة وانتهى بكوكبة من المبدعين ومنهم الأستاذ عاصم سكر والملحن أنس شعبان والأستاذ فاروق الجزائري والأستاذ عبود زيادة .. ورغم تواجدهم بسبع دول إلا أننا نجحنا وحكينا كلمتنا.. وكان الي شرف العمل معهم.. ماكانت نيتي وقت بدأت غير اني احكي كلمتي وحتى لو قاسية وبتوجع، لعلها تفيِّق شي صغير بالضمير العربي وخاصة عند حكام العرب يلي كان الأمل ومازال عليهم كبير ... بس اليوم رح نقول يارب .. يا رب فلسطين عندك .. يارب غزة عندك .. الأمل فيك والفرج عندك وبس.. لانو بلاد العرب اوطاني .. (طلعت كذب العبارة)...
كلمات: الشاعر مضر شغالة ألحان: أنس شعبان كورال: عاصم سكر وكورال سوريا توزيع: امينوس Aminoss- الجزائر ميكس وماسترينغ: عبود زيادة إشراف فني: فاروق الجزائري التسجيل وغرافيك الفيديو بالذكاء الصناعي: استديوهات اونيلا للانتاج الفني
كلمات الأغنية: من العروبة أنا مليت وصرت مجنس ألماني ومتندم ليه ما فليت من أيام العثماني
كنت لهلء ما ضليت أترجى بالعربان لاقولي شي شقفة بيت أو استأجر دكانة
ما تقولولي أنا جنيت صحوني من إدماني من العروبة أنا مليت شبعت فلاحة ونطارة
هور يابو الهوارة دبرها ومالا دبارة بلاد العرب أوطاني طلعت كذب العبارة
كلو حكي وصف علوم وشعاراتن لمّيعة بنزرع قمح بيطلع توم بيسرق نص الوديعة كل ما وقف بدنا نقوم نسقف عكس الحقيقة بعز الظهر وشفنا نجوم متنا موتة بطيئة ساوا حالو أم كلثوم ونحن صرنا السميعة لك كيف بنقشع هالغيوم وأنتو وش السحارة
هور يابو الهوارة دبرها ومالا دبارة بلاد العرب أوطاني طلعت كذب العبارة
عالم ثالث بالتصنيف وعم تمشي المي من تحتك برميل نفط تقيل وخفيف وكلهن طلعوا على تختك ع لاس فيغس أنت ضيف بميلانو صافف يختك ياعيني شقدك صريف وأنت أدرى بمصلحتك شو رح قول وشو رح ضيف يستر أختن على أختك والله ما رح إهدء وعيف لغني هالهوارة